كيف تصبح مترجم حر
ازاي ابتدي كمترجم حر؟ لو عايز تبدأ صح ... أنصحك بالعمل في شركة أو مكتب فترة معقولة علشان تاخد فيدباك وتتعلم التولز وتخرج للسوق الحر بخبرة كويسة طيب ولو د مش متاح لأي سبب كان عادي أنا شخصيا بدأت حرة والممارسة خير بديل :) لازم نتفق ان مفيش حاجة اسمها فشل مستمر (إلا إذا انت عايز د) في حاجة اسمها فشل----بييجي بعده نجاح :) ادخل ع جوجل واكتب "مطلوب مترجمين مبتدئين" وحدد تاريخ البحث في الفترة الأخيرة ادخل ع المواقع اللي بتسمح بنشر إعلانات طلب وظائف واعمل إعلان عن نفسك وحط بيانات اتصالك ادخل على الصفحات الصفراء WWW.Yellowpages.com واختر أي بلد ...واكتب في مربع السيرش "مكاتب ترجمة " خد بيانات الاتصال واتصل خد الإيميل وابعت سي في مرة واتنين ...وكل فترة حدث السي في بالخبرات الجديدة وابعتها لحد ما ييجي لك الشغل درب نفسك ...اكتب ع جوجل "فقرات مترجمة للتدريب" في ناس عاملين جهد كويس في الموضوع د خد الفقرة وترجمها وقارن ترجمتك بترجمة الفقرة واتعلم في طريقة تانية بعد ما تترجم اي