التواصل من أجل المساعدة

 

يا بشمترجم!...

انت مش محتاج لحد..

أقولهالك تاني؟

مش..محتاج..لحد..

علشان تبقى مترجم...مش محتاج تروح على الخاص تسأل حد..ازاي أكون مترجم... أو أوصل للعميل ازاي...

اللي هتسأله على الخاص هيكون:

-واحد مهتم بمهنته وسعيد إنه يقول لغيره كلمة قد تكون سببا في إنه يفهم ويشتغل وبكدة يكون فتح له باب رزق... بيرد ع اللي بيقدر عليهم..لكن ده عبء إضافي عليه..ومستحيل يقدر يرد على كل الناس...

- واحد مش مهتم أساسا بالمهنة واللي فيها.أو شايف (وده حقه إن الخاص...شيء خاص)
.وده عمره ما هيفتح رسالة في الـ others أساسا

-واحد مهتم بمهنته وبيحب يساعد لكنه شايف إن اللي بيروح على الخاص متطفل...فمش هيرد..ولو رد..ممكن يقول كلام يضايق

-واحد مهتم بالمهنة وبيحب يساعد بس معندوش وقت فمش هيقدر يرد

أو...أو..أو
والحصيلة: يا هتلاقي رد كويس..وتستفيد لوحدك...يا مش هتلاقي رد خالص.. يا هتلاقي رد فيه توبيخ وتحرج..وتسيب المهنة من أساسها...أو تنعت الناس بما ليس فيهم..لمجرد:

"إنه مردش عليك على الخاص ..اللي هو أصلا: "خاص"!

اسأل ف الرابطة...وقول كل اللي في نفسك...

الدنيا مفتوحة قدامك...اسأل وهتلاقي اللي يرد عليك...

ولو سألت وملقتش رد..اسأل تاني..

ممكن جدا تكون نشرت في وقت الناس اللي عندهم استعداد يردو مشغولين
ممكن سألت سؤال ومحدش من الموجودين وقتها كان عارف إجابته..

بس خلي بالك:
أنت الأساس يا ابن الناس...
متفتكرش إن اللي هيرد عليك هيديك مفتاح سحري يخليك مترجم...دي مجرد نصيحة.. قد أو قد لا تناسبك

حتى اللي بيدربك...بيحطك على بداية الطريق..والباقي عليك...

يلا افتح ملفات الرابطة وشوف الكتب اللي هتفيدك..ودرب نفسك..مع نفسك..

أنت مش محتاج غير إرادة

 نقلًا عن الاستاذة / حمدية حسن 
أدمن رابطة المترجمين الفريلانسرز